Ny besøksrekord for Lysøen
9.300 gjestar tok turen til Ole Bulls villa på Lysøen i 2017. Så langt i år har 15.000 teke resten av øya i bruk.
KODE Kunstmuseer og komponisthjem har sett besøksrekord i 2017, med totalt 250.000 besøkjande. 9.300 av desse har altså vitja Ole Bulls villa. Det er ein auke på 6 prosent frå i fjor.
Lysøen har hatt fleire konsertar i år – blant anna «Trollbundet av Ole Bull» med konsert, omvising og transport frå turistinformasjonen i Bergen kvar søndag i juli og august.
Artikkelen held fram under annonsen.
- Ellers er det litt morosamt å sjå på dei nye teljarane vi har sett opp på området i fjor, som kan gje oss eit bilete som inkluderer alle som tek dei flotte skogsområda på øya i bruk. Dei viser at rundt 15.000 har besøkt øya så langt i år, fortel kommunikasjonsrådgjevar ved KODE, Anette Basso.
jostein@osogfusa.no
