La seg flat i retten

Ein osing i 30-åra må i fengsel etter å ha tilstått brot på straffelova, vegtrafikklova og legemiddellova.

I retten tilstod mannen alle lovbrota han var sikta for. Måndag 25. september i fjor skal han ha oppbevart 20 rivotriltabletter, som inneheld det narkotiske verkestoffet klonazepam. Fredag 6. oktober i fjor skal mannen ha køyrd bil sjølv om han var påverka av klonazepam. Det blei teken blodprøver av mannen same dag. Prøva viste ein påverknadsgrad av 0,0346 mmol/l, noko som tilsvarer over 1,2 i alkoholpromille.

Osingen blei dømt for brot av straffelova, vegtrafikklova og legemiddellova, etter å ha innrømma lovbrota i retten. Han blei dømt til fengsel i 21 dagar. Han må også betala ein bot på 40.000 kroner, i tillegg til at han taper retten til å føra førarkortpliktig motorvogn i ein periode på to år.